Ідэя вельмі простая — кожнаму неабыякаваму беларусу ахвяраваць абсалютна нязначную сумму — усяго 1 эўра. Каб паказаць колькі нас, беларусаў, якім не ўсё роўна і якія падтрымліваюць Украіну.
Даслаць свой “1 эўра” можна тут: https://dapamoga.org/be/donations/support-ukraine
Стваральніца кампаніі піша:
“Мы вельмі шмат гаворым пра Украіну. Пра падтрымку. Пра салідарнасьць. Пра тое, што мы разам. Але ці дастаткова мы паказваем падтрымку справамі?
Нас, беларусаў, якія пасля 2020 года былі вымушаныя з’ехаць з краіны, — сотні тысяч. Я хачу прапанаваць вельмі простую рэч.
🤍❤️🤍 Адзін беларус — адзін еўра для Украіны
Не 10 еўра. Не 30. Не 100.
❗️Усяго адзін еўра.❗️
Але ад кожнага, хто можа і хоча далучыцца.
Навошта?
Каб мы маглі не проста сказаць, што нас шмат. А паказаць гэта лічбай.
Колькі беларусаў сёньня сапраўды гатовыя падтрымаць Украіну?
Колькі з нас жывуць за мяжой, удзельнічаюць у ініцыятывах, арганізуюць дапамогу, ладзяць сустрэчы, робяць гучныя заявы?
А колькі проста сядзяць дома і думаюць: «А што я магу зрабіць?»
Дык вось. Можна зрабіць вельмі простае.
❗️Адзін еўра. І рэпост гэтага збору.
Калі далучыцца 100 тысяч чалавек — гэта ўжо 100 тысяч еўра.
Калі нас будзе 300 тысяч — гэта ўжо 300 тысяч еўра.
Гэта важна ня толькі як дапамога Украіне.
Гэта яшчэ і магчымасьць паказаць самім сабе, наколькі мы можам быць самастойнымі.
Сапраўдная самастойнасьць пачынаецца менавіта з гэтага — з разуменьня, што калі кожны з нас можа даць зусім няшмат, разам мы можам зрабіць вельмі шмат.
І сёньня мы можам паспрабаваць гэта на простай справе — дапамозе Украіне.
Што да таго, куды пойдуць грошы.
Я прапаную зрабіць адкрытае галасаваньне. Мы можам выбраць адзін канкрэтны збор або падзяліць сабраныя сродкі паміж падраздзяленьнямі, дзе сёньня ваююць беларусы, і проста перадаць грошы непасрэдна ім.
А далей хай хлопцы самі вырашаюць, што ім цяпер найбольш патрэбна.
Платформа дапамогі не бярэ сабе працэнтаў і камісій за збор. Гэта значыць, што ўся сабраная сума пойдзе на дапамогу.
Таму давайце паспрабуем. Не проста сабраць грошы. А паказаць, што мы ўмеем аб’ядноўвацца не толькі вакол слоў. Што нас сапраўды шмат.
Давайце пакажам не толькі Украіне, але і самім сабе, на што мы здольныя, калі перастаём чакаць дапамогі і пачынаем дзейнічаць самі”
Увага: просім устрымацца ад пераводаў з Беларусі ў мэтах бясьпекі.
Даслаць свой “1 эўра” можна па спасылцы:
