Блогерку з сумнеўнай рэпутацыяй Тацьцяну Мартынаву не прапусьцілі з Украіны ў Польшчу. Ёй пагражаюць ануляваць Шэнгенскую візу і забараніць уезд у Эўразьвяз на 10 гадоў.
Цяпер Мартынава знаходзіцца на польскім памежным пераходзе Дарахуск. Імаверна, яе дэпартуюць ва Украіну.
“Спярша я выслухала гісторыю пра тое, што мушу ўязджаць у Еўрасаюз праз іншы памежны пераход. Мяне знялі з цягніка, — расказвае Мартынава @euroradio. — Потым мне расказалі, што яшчэ ў траўні забаранілі ўезд у ЕС, хаця сёлета я яшчэ там увогуле не была. І на гэтай падставе мне збіраюцца ануляваць пяцігадовы эстонскі мульцішэнген.
Цяпер я чакаю дакументаў і хаця б нейкіх тлумачэньняў”.
Нагадаем, што падчас пратэстаў 2020 году Мартынава заклікала людзей не браць на акцыі Бел-Чырвона-Белыя сьцягі.
