Расея закатавала некаторых украінцаў да сьмерці, гаворыцца ў расьследаваньні ААН.
Старшыня Камісіі па расьследаваньні сітуацыі ва Украіне Эрык Мозэ паведаміў Радзе ААН па правах чалавека ў Жэневе, што яго каманда сабрала дадатковыя доказы, якія сьведчаць аб шырокім і сістэматычным прымяненьні расейскімі ўзброенымі сіламі катаваньняў у раёнах, якія знаходзяцца пад іх кантролем. «У некаторых выпадках катаваньні ўжываліся з такой жорсткасьцю, што прывялі да сьмерці ахвяры», — сказаў ён.
Камісія спадара Мозэ наведала Херсон і Запарожжа – часткі Украіны, якія раней кантраляваліся расейскімі войскамі. Было ўстаноўлена, што катаваньні зьдзяйсняліся ў асноўным у сьледчых ізалятарах, якімі кіруюць расейскія ўлады.
Таксама зафіксаваныя факты, калі забіралі зь сем’яў ды катавалі жонак украінскіх абаронцаў, якія прымалі ўдзел у АТА або мелі адносіны да ВСУ,
Камісія заявіла, што парушэньні, зьдзейсненыя расейскімі акупантамі ва Украіне, у тым ліку прымяненьне катаваньняў, могуць тлумачыцца як злачынствы супраць чалавечнасьці.
Расея адмаўляе зьдзяйсненьне злачынстваў або нападаў на мірнае насельніцтва ва Украіне. Ёй была дадзена магчымасьць адказаць на абвінавачаньні на пасяджэньні савета, але ні адзін расейскі прадстаўнік не прысутнічаў.
