Новы Іміграцыйны закон Латвіі істотна ўзмацняе абмежаваньні для іншаземцаў. Найбольш жорсткі рэжым уведзены для грамадзянаў Расеі, але беларусаў таксама фактычна запісалі ў асобную катэгорыю з абмежаванымі правамі.
Для беларуса, які ўжо працуе ў Латвіі, паўторнае пасьведчаньне на жыхарства на год магчымае толькі пры ўмове, што чалавек мінімум тры апошнія месяцы афіцыйна працаваў і плаціў падаходны падатак.
Шэраг падставаў для атрыманьня пасьведчаньня на жыхарства, даступных грамадзянам іншых краінаў, для беларусаў абмежаванае. Выключэньні – асобныя адукацыйныя праграмы, а таксама гуманітарныя выпадкі, дзе рашэньне фактычна застаецца за міністрам унутраных справаў.
Такім чынам, Латвія будуе ўсё больш жорсткую міграцыйную сыстэму: беларусаў, незалежна ад іх стаўленьня да рэжыму Лукашэнкі, фактычна разглядаюць праз прызму грамадзянства.
Падыход «адзін пашпарт – стос абмежаваньняў» выглядае як чарговая ахвяра латвійскай міграцыйнай палітыкі на карысьць палітычнага папулізму.
