23 верасьня а 11:08 на поўнач ад Бранева расейскі верталёт Мі-8 кароткачасова парушыў паветраную прастору Рэспублікі Польшча.
Верталёт выконваў палёт з Крулявецкай вобласьці. Ён заляцеў на польскую тэрыторыю прыкладна на 300 мэтраў і знаходзіўся ў паветранай прасторы Польшчы 42 сэкунды.
Парушэньне зафіксавалі польскія радыёлякацыйныя сыстэмы. У паветра былі паднятыя зьнішчальнікі, а наземныя сілы прывялі ў стан гатоўнасьці.
У Аператыўным камандаваньні Ўзброеных сілаў Польшчы адзначылі, што характар інцыдэнту можа сьведчыць пра праверку Расеяй гатоўнасьці польскай супрацьпаветранай абароны.
Польскія радыёлякацыйныя разьлікі працягваюць кругласутачнае назіраньне за паветранай прасторай краіны.
