У Нямеччыне за апошнія суткі — адразу некалькі сур’ёзных дыверсій на крытычнай інфраструктуры.
— Брандэнбург: каля падстанцыі Turnow-Preilack невядомыя запусьцілі больш за дзясятак самаробных ракета-падобных прыстасаваньняў у высакавольтныя лініі. Два разы атрымалася выклікаць кароткае замыканьне. Адбыўся аварыйны прыпынак аднаго блёку Jänschwalde.
— Паўночны Райн — Вэстфалія: на падстанцыі Amprion у Bergheim адбылося кароткае замыканьне, некалькі лініяў выйшлі з ладу. Часова спыніліся 5 вугальных энэргаблёкаў агульнай магутнасьцю 4200 МВт. Агульнага адключэньня электрычнасьці не адбылося. Паліцыя лічыць інцыдэнт наўмыснай дывэрсіяй.
— Ляйпцыг: Нямеччына афіцыйна заявіла, што за спробай атакі дронамі з выбухоўкай на аэрапорце Leipzig/Halle 4 жніўня стаіць Расея. Паводле нямецкіх сьпецслужбаў, гаворка ідзе пра апэрацыю, зьвязаную з расейскімі дзяржаўнымі структурамі.
— Аўгсбург: каля галоўнага вакзалу адбыўся выбух. Пацярпелі 17-гадовая дзяўчына і 18-гадовы хлопец, абодва атрымалі лёгкія акустычныя траўмы. Прычыны і матыў пакуль невядомыя.
Нямецкія ўлады ўжо адкрыта гавораць пра пагрозу гібрыдных атакаў. Гэта ўжо ня толькі кібэратакі і прапаганда. У поле супрацьстаяньня ўваходзяць электрасеткі, аэрапорты, транспарт і іншая крытычная інфраструктура.
Гібрыдная вайна становіцца ўсё менш «гібрыднай» — і ўсё больш матэрыяльнай.
