Прыклад №1
На Ютуб-канале Тутэйшы Шляхціч аматары Беларушчыны знойдуць карысную інфармацыю, даведаюцца факты і цікавосткі з жыцьця Беларусі. Сам аўтар каналу, Усяслаў Пашкевіч, кажа што “стварае свае выпускі з мэтай пашырэньня і ўмацаваньня гістарычнай памяці”. Кожны выпуск цікавы, але тут зьвернем увагу на апошні, сьвежы, выпуск “Беларусь да Лукашэнкі, 1991-1994 г. – час Адраджэння”.
Пад час прагляду выпуска, глядачы атрымаюць адказы на пытаньні:
- якой была сапраўды незалежная Беларусь?
- як атрымалася здабыць незалежнасьць Беларусі?
- якія былі асноўныя палітычныя сілы ў 1991-1994г?
- якім чынам бел-чырвона-белы сцяг і герб Пагоня сталі дзяржаўнымі?
- чаму Мінск не стаў Менскам?
- што перашкаджала ўмацаваньню незалежнасьці Беларусі?
- якую ролі гралі Шушкевіч і Кебіч у тыя гады?
- чаму Адраджэньне Беларусі правалілася?
Жадаем,прыемнага прагляду 🤗
Прыклад №2
Дзелімся з вамі спасылкай на сапраўдную скарбніцу (архіў) рэдкіх відэа пра падзеі на Беларусі 🤓.
Тут можна знайсьці відэа і дакумэнтальныя фільмы пра падзеі 80-х, 90-х, пачатку 2000г: дзейнасьць БНФ “Адраджэньне”, творчасьць і грамадзянская пазіцыя Васіля Быкава, дзейнасьць “Майстэрні”, згуртаваньне беларускіх вайскоўцаў і многае другое.
Глядзім і зьберагайма Беларускае!
