Сёньня спаўняецца 18 гадоў ад пачатку расейска-грузінскай вайны. У ноч на 8 жніўня 2008 году Расея пад выглядам «прымусу да міру» пачала маштабнае ўварваньне ў Грузію, выкарыстоўваючы канфлікт вакол Паўднёвай Асэтыі як падставу для агрэсіі.
Расейскія войскі перайшлі міжнародна прызнаную мяжу Грузіі, занялі шэраг гарадоў, бамбавалі вайсковыя і цывільныя аб’екты, а таксама ўвайшлі ў Абхазію. Баявыя дзеяньні працягваліся пяць дзён.
Пасьля вайны Расея прызнала «незалежнасьць» Паўднёвай Асэтыі і Абхазіі, хоць пераважная большасьць краін сьвету лічыць гэтыя тэрыторыі часткай Грузіі. Да сёньня Масква ўтрымлівае там свае войскі і фактычна акупуе каля 20% тэрыторыі краіны.
Вайна 2008 году стала першым адкрытым прыкладам сучаснай расейскай агрэсіі супраць суседняй дзяржавы. Пазьней гэты ж сцэнар Масква выкарыстала ў Крыме, на Данбасе, а затым і падчас поўнамаштабнага ўварваньня ва Ўкраіну.
Пакуль будзе існаваць імперская Расея, яна будзе ўяўляць пагрозу для ўсяго сьвету.
