Большасьць грамадзян Польшчы выступае супраць уступленьня Ўкраіны ў Эўрапейскі Зьвяз, а польскае грамадзтва амаль пароўну падзялілася ў пытаньні далейшай вайсковай падтрымкі Кіева. Пра гэта сьведчыць апытаньне кампаніі Opinia24.
Паводле дасьледаваньня, 52% апытаных выступаюць супраць падтрымкі ўступленьня Ўкраіны ў ЭЗ, тады як 33% падтрымліваюць такую пэрспэктыву.
Таксама 44% палякаў лічаць, што Варшава павінна прыпыніць вайсковую дапамогу Ўкраіне праз пытаньне ЎПА, а 41% выступаюць за яе працяг.
Акрамя таго, 55% рэспандэнтаў падтрымалі рашэньне прэзыдэнта Польшчы Караля Наўроцкага пазбавіць Уладзімера Зяленскага Ордэну Белага Арла, тады як 27% былі супраць.
Апытаньне таксама паказала пагаршэньне стаўленьня да ўкраінцаў: 36% палякаў заявілі, што іх стаўленьне стала горшым з пачатку поўнамаштабнай вайны, 54% адзначылі, што яно не зьмянілася, і толькі 3% сказалі, што пачалі ставіцца да ўкраінцаў лепш.
Найбольшы кансэнсус выявіўся адносна магчымай адпраўкі польскіх вайскоўцаў ва Ўкраіну пасьля вайны: супраць гэтага выступілі 65% апытаных, а падтрымалі такую ідэю толькі 18%.
Апытаньне праводзілася 13–15 ліпеня 2026 году сярод 1000 паўналетніх грамадзян Польшчы.
