У Бабруйску на скрыжаваньні вуліц Пушкіна і Чырвонаармейскай знесьлі аднапавярховы цагляны будынак былога дзіцячага дому, пабудаваны ў канцы XIX — на пачатку XX стагодзьдзя.
Будынак на вуліцы Чырвонаармейскай, 44А, пуставаў амаль 40 гадоў. За апошнія 25 гадоў ён некалькі разоў зьмяняў уладальнікаў, паступова страціў дах і вокны, ператварыўшыся ў руіны.
Апошні ўласьнік, прадпрымальнік Міхаіл Гаўрылюк, заявіў, што «да апошняга змагаўся за захаваньне» будынку, аднак патлумачыў знос адсутнасьцю паўнавартаснага падмурку.
У будаўнічым сьмецьці можна было заўважыць цэглу з фірмовым кляймом заводу братоў Гірша і Евеля Лазінскіх — прадстаўнікоў адной з галоўных «цагляных» дынастый старога Бабруйску.
На месцы зьнішчанага гістарычнага будынку плянуюць пабудаваць двухпавярховы офісны цэнтар з паркоўкай.
Крыніца: komkur.info
