Фундацыя Inexkult пры падтрымцы творчага асяродзьдзя і шырокіх колаў беларусаў просіць вылучыць памяшканьне на тэрыторыі Варшавы, дзе мог бы весьці сваю дзейнасьць Беларускі Тэатар, адкрыты для ўсіх незалежных беларускіх тэатральных калектываў.
Зварот плануецца накіраваць ў Мэрыю Варшавы і ў Міністэрства культуры Польшчы. На сёньня ўжо сабрана больш за 500 подпісаў.
Горача заахвочваем вас паставіць свой подпіс, падтрымаць такую важную ініцыятыву!
Такая магчымасьць будзе 26 жніўня падчас лекцыі Зянона Пазьняка ў Беларускім доме (Kryniczna,6; пачатак а 17.30)
Таксама подпіс можна паставіць па наступных адрэсах:
- Karma crew Warsaw (аl. 3 Maja, 15, Warszawa).
- BackDoor Bar Warszawa (Chmielna, 7/9, Warszawa).
- Teatr Powszechny Warszawa (Jana Zamoyskiego 20)
- Teatr TR Warszawa (Marszałkowska 8)
- Teatr WAM Warszawa (Zgrupowania AK «Kampinos» 15)
Збор будзе доўжыцца да канца жніўня , а магчыма, працягнецца і ў верасьні.
