Незалежнасьць Беларусі і лёс народа вышэй за фармальныя пастулаты. Наперадзе — не назіраньне, а барацьба.
Абапіраючыся на недасканалае заканадаўства, дамоўныя палітыкі могуць прыдумаць мноства прычынаў, каб не дапусьціць прадстаўнікоў Беларусі (ніякіх і нікога) да магчымага ўдзелу ў перамовах па замірэньні Украіны з Масквой.
Для нас, беларусаў, ня маюць значэньне ніякія іхныя фармальныя аргумэнты і ніякія іхныя састарэлыя законы, калі зноў, як некалі, будуць арганізоўваць палітычны фарс, і інтарэсы Беларусі стануць вырашаць іншыя, за плячыма Беларускага народа.
Любымі спосабамі такога нельга будзе дапусьціць. Калі спатрэбіцца — нават праз надзвычайныя меры. Мы ведаем, што задумвае Масква і на што здатная левая Эўропа. Мы маем вопыт гісторыі, якая прымушае нас змагацца.
