У сетцы з’явілася распараджэньне кіраўніка Адэскай ваеннай адміністрацыі Алега Кіпера з пералікам тапонімаў, якія зьбіраюцца перайменаваць.
Вуліцу Пушкінскую пераймянуюць у Італьянскую, вуліцу Паўстоўскага – 28-й брыгады, Армейскую – у Незалежнасьці, вуліцу Івана Буніна ў вуліцу Ніны Стракатай.
Вуліца Бабеля стане Дзмітрыя Іванова, вуліца Ільфа і Пятрова – Сем’і Глодан, бульвар Жванецкага – бульварам Ваенна-марскіх сіл, Юрыя Алешы – Віталя Баравіка. Прасьпект Гагарына стане прасьпектам Лесі Украінкі, а завулак Ляпуновых стане завулкам Аляксандра Ройтбурда.
Думская плошча стане Біржавай, Марыінская вуліца ў Вялікадалінскім стане вуліцай Алега Кушніра, вуліца Льва Талстога – вуліцай Кіры Муратавай, плошча Льва Талстога – плошчай Мендаля Сферыма, Дваранская – Усевалада Змеенка, вуліца Строганава стане Максіма Чайкі, а два завулкі Ціміразева — Гэтманьскім і Гайдамацкім.
Таксама знясуць помнік Аляксандру Пушкіну на Прыморскім бульвары. Манумент быў зроблены на ахвяраваньні гараджан і адкрыты ў 1889 годзе. Адэскі помнік Пушкіну быў другім, усталяваным у Расійскай Імперыі, першы быў усталяваны ў Маскве.
