Беларускія гісторыкі, апынуўшыся ў эміграцыі, вырашылі пачаць навукова-асьветніцкую дзейнасьць, імі была створана грамадская арганізацыя «Беларускі інстытут публічнай гісторыі».
“Галоўныя мэты інстытуту — падтрыманьне нацыянальнай ідэнтычнасьці беларусаў, стварэньне погляду на мінулае без аўтарытарных і ідэалагічных установак, захаваньне памяці пра трагічныя перыяды гісторыі Беларусі, фармуляваньне бачаньня на складаныя і неадназначныя тэмы гісторыі нашай краіны, а таксама папулярызацыя і прасоўваньне нацыянальнага гістарычнага наратыву ў Беларусі і на міжнародным узроўні” — напісана на афіцыйным тэлеграм-канале «Інстытуту публічнай гісторыі».
Узначальваюць інстытут акадэмічны дырэктар, кандыдат сацыялагічных навук Аляксей Ластоўскі і старшыня праўленьня, журналіст, дасьледчык сталінскіх рэпрэсій Ігар Станкевіч. У склад інстытуту таксама ўваходзіць шэраг вядомых спецыялістаў у галіне гісторыі.
