Нэтфлікс адпачывае: лукашэнаўскія прапагандысты паказалі кіно пра анархісцкую ячэйку з нацыяналістычнымі поглядамі, якой кіруе “Марычка” – біялагічны хлопец, які лічыць сябе дзяўчынай.
На дзяржаўным тэлеканале АНТ 29 красавіка выйшаў прапагандысцкі фільм «Дети на прицеле. Завербованные врагом», дзе паведамілі аб затрыманьні сямі падлеткаў за «супрацоўніцтва з украінскімі спецслужбамі». Некаторых зь іх абвінавачваюць у «акце тэрарызму» і «здрадзе дзяржаве».
У фільме распавялі, што шэсць падлеткаў нібыта аб’ядналіся ў «анархісцкую ячэйку “Чорныя салаўі”», якую «пад кіраўніцтвам Нацыянальнай вызваленчай арміі Украіны» стварыла 16-гадовая грамадзянка Украіны Марыя Місюк. Напачатку фільма паведамляецца, што кіравала групай падлеткаў “Марычка з Украіны”. Пазьней затрыманая, галоўная “гераіня” фільма, Марыя раскрывае журналістам, што “Марычка” – гэта біялагічны хлопец, які лічыць сябе дзяўчынай. На здымках “Марычка” – хлопец 20-23гадоў у ваеннай форме.
Прапагандысты запэўніваюць, што затрыманыя падлеткі нібыта планавалі дэверсіі і падрывы адміністрацыйных будынкаў у Беларусі.
Сярод затрыманых — навучэнцы каледжаў у Баранавічах, Нясвіжы, Міры, Менску і Лунінцы.
