Сёньня Парлямант Грузіі прыняў у другім чытаньні закон аб “інагентах”. Людзі ізноў выйшлі з пратэстам на вуліцы Тбілісі і Батумі. Будуюцца барыкады, паліцыя ўжывае спецсродкі, газ, вадамёты. Пратэсты не сьціхаюць ужо амаль тры тыдні.
Міністэрства аховы здароўя Грузіі паведаміла аб шпіталізацыі васьмі пацярпелых удзельнікаў акцыі пратэсту ў парламента, дзе, у сваю чаргу, увялі “чырвоны ўзровень” бясьпекі – паведамляе “Рэха Каўказа”.
У заяве Міністэрства аховы здароўя гаворыцца, што ў пацярпелых – пашкоджаньні рознага тыпу, у тым ліку раненьні ў вобласьцях твару, галавы і розных частак цела, а таксама інтаксікацыя і ўскладненьні дыхальных шляхоў.
Канчатковы разгляд закону запланаваны на 17 траўня.
