Зьўляецца інфармацыя пра паўторныя выклікі ў ДФР і КДБ, вымагальніцтвы са сваякоў, і нават патрабаваньні аплаціць гатоўкай.
Як паведаміў “Свабодзе” заснавальнік фонду ByHelp Аляксей Лявончык: “зь нядаўняга часу да яго пачалі даходзіць зьвесткі пра новую тактыку сілавікоў. Калі раней яны прымушалі перавесьці буйныя сумы на рахункі дзяржаўных установаў, то ня так даўно пачалі вымагаць наяўныя грошы. Не даючы ніякіх дакумэнтаў аб выплаце гэтак званай кампэнсацыі”.
Як нам паведаміла ананімная крыніца з Беларусі, калі ў ДФР асоба не прызнае фінансаваньне экстрымізму і адмовіцца пераводзіць грошы, наступная размова адбываецца ў КДБ.
Там зноўку прыводзіцца аргумэнт аб фінансаваньні экстрымістскай дзейнасьці , а дакладней затрыманаму прад’яўляецца “вы рабілі данаты ў Фэйсбук у 2020 годзе”. Супрацоўнік КДБ пагражае ўзбуджэньнем крымінальнай справы, і, каб гэтага пазьбегнуць, прапаноўвае прызнацца і заплаціць сумму (нашай крыніцы была прапанавана сумма 500 даляраў) на рахунак, напісаны на паперцы (без ніякіх падрабязнасьцяў аб атрымальніку пераводу). У адказ на згоду заплаціць запатрабаваную суму на прапанаваны рахунак, выдаецца дакумэнт аб спыненьні узбуджэньня крымінальнай справы.
Вымушаная пагадзіцца на прапанаваную схему, крыніца праверыла рахунак і высьветліла, што гэта рэквізіты мясцовай дзіцячай больніцы.
Выканаўшы ўсе абавязкі, наша крыніца вярнулася да будынку КДБ, каб паказаць квітанцыю аб пераводзе, ды пабачыла ля дзьвярэй КДБ доўгую чаргу з такімі квітанцыямі на руках.
Многія ахвяры стаяць у чэргах па “другому кругу” – заплаціўшы адзін раз, яны робяцца аб’ектамі для наступнай атакі, вымагальніцтва. З многімі “абяцаньне” не стрымліваюць – узбуджаюць крымінальную справу і затрымліваюць
Як паведамляе ПЦ “Вясна”,
беларусы «добраахвотна» пералічылі дзяржаўным структурам за «данаты» больш за 37 мільёнаў рублёў (каля $11,5 млн)
Гаворка пра людзей, затрыманых за данаты, ад якіх патрабавалі «добраахвотна» пералічыць суму ў N разоў большую на рахунак нейкай дзяржаўнай установы.
Прадстаўнікі Следчага камітэту назвалі гэта «механізмам вызвалення ад крымінальнай адказнасці асоб, якія здзейснілі фінансаванне экстрэмісцкай дзейнасці, аднак з’явіліся з пакаяннем і загладзілі прычыненую шкоду».
