Фінляндыя плануе закрыць пункты пропуску на мяжы з Расеяй 16 лістапада ў мэтах нацыянальнай бяспекі, паведаміла 15 лістапада фінскае СМІ Helsingin Sanomat са спасылкай на свае крыніцы ва ўрадзе.
Урад Фінляндыі планаваў аб’явіць аб увядзеньні памежных абмежаваньняў раней, 15 лістапада, але, па словах крыніц, адклаў гэтае рашэньне з-за абноўленай інфармацыі разведкі.
Пакуль незразумела, ці плануе Фінляндыя закрыць усе ці толькі некаторыя памежныя пункты.
Міністр унутраных спраў Мары Рантанен правядзе прэс-брыфінг аб абмежаваньнях на мяжы 16 лістапада. Першапачатковы брыфінг, запланаваны на 15 лістапада, быў адменены і перанесены. Крыніцы Helsingin Sanomat паведамілі, што сітуацыя на мяжы з Расеяй пагоршылася.
Адкладзенае рашэньне верагодна зьвязана з планам увесьці больш жорсткія абмежаваньні, прымаючы пад увагу новую інфармацыю ад разведкі.
