Зьявілася інфармацыя, што ў рамках апошняга абмену ваеннапалоннымі паміж Украінай і Расеяй, украінскім бокам быў перададзены грамадзянін Беларусі Максім Зязюльчык, які ваяваў на боцы Расеі ў прыватнай вайсковай кампаніі «Рэдут».
Такім чынам, Україна абмяняла амаль усіх палонных беларускага паходжаньня. На дадзены момант у палоне застаўся толькі адзін беларус – гэта Андрэй Герыловіч. Ён ваяваў у складзе ПВК «Вагнэр» і трапіў ва ўкраінскі палон 16 лістапада 2022 году.
У той жа час сярод перададзеных Расеяй украінскіх палонных беларускіх добраахвотнікаў няма. Нагадаем, што ўлетку 2022 году ў расейскі палон трапілі ваяры Полку Каліноўскага Ян Дзюрбейка і Сяргей Дзёгцеў. Нажаль, няма ніякіх зьвестак пра іх месцазнаходжаньня і стан здароўя. «Расейскі бок не дае іх у сьпісы на абмен, таму мы ня ведаем, дзе яны і што зь імі», — кажуць (https://novychas.online/hramadstva/zastaecca-tolki-veryc-szto-z-kalinoucami-jakij) у палку Каліноўскага.
